إبن آدم ،،

بسم الله الرحمن الرحيم
السلام عليكم ورحمة الله وبركاته ,, واسعد الله اوقاتكم بالخير ..
دعوة الى التفكر في نعم الله والرضا بما اعطى :

ابن الآآدم ضعيف ولو تضاهت قواه ................................ ما يدوم القوي الصلب مهما عظم
وابن اادم جحود لفضل رب(ن) عطاه........................ لو تصيبه مضرّه عاف كل النعم
يشتكي من جهال آآه يارب آآه ............ ... .. ليه غيري معافى ليه انا في سقم
ناسي(ن) فضل رب(ن) بالعطايا كساه ....................... بالنعم فوق راسه لين تحت القدم
يابن آدم تفكر واتّعظ بالحياه ...................... واحمد الله ربك واشكره وابتسم
كم عطاك وعصيته رب جل بعلاه ................... وكم تنعم عليك بجود منه وكرم
شوف غيرك من اللي بالمصيبه بلاه ................. وانت عافاك منها ما كتبها القلم
شوف غيرك ضرير وانت شوفك هداه ................ وانت تقدر تكلم يوم غيرك بكم
وانت تسمع وغيرك سمعهم قد خذاه ................ ما خذا منك سمعك يوم غيرك اصم
وانت رجلك سليمه تروح للي تباه .................. وفيه غيرك شللهم عاق منهم قدم
وفيه ناس(ن) كثير عقولهم مبتلاه ................... عقلهم فيه عله وانت عقلك سلم
وفيه منهو تألم والفشل في كلاه .......................... وانت كليتك مافي يوم جاها ألم
وفيه مرضى قلوب وبين موت وحياه .................. وانت قلبك سليم ومايجيه السقم
وفيه غيرك يتيم وماتت امه واباه ................... وانت امك وابوك الخير فيهم يعم
وفيه غيرك بحرب وطاح فوقه بناه ................... وانت ااامن وبيتك سالم وما انهدم
وفيه غيرك سجين وشوفة اهله مناه .................... وانت حر وطليق وعندك اهل ورحم
وكم فقير(ن) وجايع ما يحصل غذاه ..................... وانت تاكل وتشبع ما تلذ وتنم
نومة(ن) تشتهيها بالهدو والهناه .................... يوم غيرك حرم لذة منامه بغم
يابن الآآآدم تفكر في نعم مجتباه ........................ كم هدا فيك ربي كم وهبلك وكم
لا تشكّى وتجحد وابتسم للحياه .................... تبتسم لك اذا انته لجلها تبتسم
احمد الله وارضى ما كتبه الاله ..................... واشكره ما وهبلك من جليل النعم